Околу 18 луѓе загинале, а десетици се повредени во експлозија на бомба на железничката станица во Волгоград во јужна Русија,
Според првите сознанија на полицијата, експлозијата била предизвикана од жена бомбаш -самоубиец.
Бомбата најверојатно била детонирана на влезот во железничката станица. Се проценува дека се ранети над 50 луѓе.
Бројни возила за брза помош се пристигнати на местото на инцидентот во Волгоград, поранешен Сталинград. Зградата на железничката станица е евакуирана, соопшти Министерството за цивилна заштита.
Очевидци сведочат за огромни штети, насекаде расфрлани парчиња стакло, како и помал пожар, кого пожарникарската екипа го изгаснала.
Во октомври во милионскиот град на Волга атентаторка-самоубиец со себе во смрт однесе шестмина патници на еден автобус .
Градот се наоѓа на околу 700 километри од Сочи, каде ќе се одржат Зимските олимписки игри. Чеченскиот исламистички лидер Доку Умаров повика на извршување напади со цел попречување на настанот. Кремљ најаваи строги безбедносни мерки за Олимписките игри.