„Во околности во кои војната може да започне секој момент, нема никаква потреба за комуникација“, им порачаа државниците на Северна Кореја на своите јужни соседи преку телефон, јавува севернокорејската агенција KCNA, пренесува CNN.
„Од сега сите воени комуникации на релација север – југ се прекинати“, објавува KCNA, повикувајќи се на изјава на висок воен фукционер.
Линијата на „воениот црвен телефон“ ќе биде во прекин „толку долго колку што ќе трае непријателската активност на Јужна Кореја“.
Црвената линија која беше воспоставена 1971 година Северна Кореја ја прекинуваше во пет наврати, последниот пат во 2010 година.