Лидерите на демократите и републиканците во американскиот Сенат денеска соопштија дека постигнале договор за привремениот буџет и зголемување на лимитот за задолжување.
Според предлогот ќе биде подигнато нивото на задолженост до 7-ми февруари и ќе се обезбеди финансирање на владата до 15 јануари наредната година. Планот на Сенатот превидува и формирање заедничка комисија на двата дома на Конгресот која ќе биде задолжена за подготвување долгорочен план за буџетот.
Лидерот на демократите во Сенатот, Хари Рид, оцени дека постигнатиот договор со републиканците ќе помогне САД да се врати од работ на пропаста.
Предвиденно е следните неколку месеци да бидат искористени за конечен договор.
Според процедурата, сега за договорот треба да се изјасни Сенатот, каде демократите се мнозинство, а потоа и Претставничкиот дом, каде мнозинство имаат републиканците.