Според Стејт департментот на САД, Приштина треба да го воспостави обликот на автономија кој Србите го бараат на северно Косово, а улогата на Белград, е јасно да укаже дека време е да се реши тоа прашање.
„Ние сакаме да видиме мирно решавање на тие прашања кои ќе им овозможат на Косово и на Србија да напредуваат, да идат напред кон европскиот пат“, изјави портпаролот на Стејт департментот Викторија Нуланд.
Според неа, високата претставничка на ЕУ за надворешна политика и безбедност, Кетрин Ештон, со претставниците на двете страни, работи на „прашањата на српските паралелни структури“, „признавање, нормализација на односите“ и други.
„Очигледно е дека Косово треба да одлучи како ќе воспостави облик на автономија за Србите на северната покраина“, додаде Нуланд.
На прашањето дали и Белград има улога во решавањето на прашањето за состојбата на Србите на северниот дел од Косово, Нуланд одговори со тоа што Вашингтон смета дека улогата на „Србија е јасно да им даде до знаење на српските граѓани, етничките Срби, дека е време тоа прашање да се реши и да се затвори“