Кејт Брнс, претставничка на САД и вршителка на должност во Постојаниот совет на ОБСЕ во Виена, денес го повика ВМРО-ДПМНЕ јавно да ја поддржи работата на Специјалната обвинителка во текот на сите фази на нејзината работа.
Брнс денес имаше обраќање на кое главна тема беше политичката криза во Македонија. Овде ви го пренесуваме неговиот денешен говор во Виена.
“САД од блиску ги набљудува настаните во Македонија. Откритијата од минатата година, во снимките добиени од нелегални прислушувања, отворија сомнеж за можни изборни измами, манипулации во медиумите и корупција сугерирајќи неуспех во придржувањето на обврските на ОБСЕ.
САД ги поздравува напорите кои се во тек за примена на Договорот од Пржино кој е најдобриот пат за Македонија за излез од политичката криза. Значајни чекори беа преземени од страна на политичките партии за примена на договорот, вклучително враќањето на опозицијата во парламентот, именувањето на Катица Јанева како Специјална обвинителка, именувањето на технички министри и дополнителни заменици министри, ревизија на Изборниот законик и именување на зајакната Државна изборна комисија. Ние исто така ја поздравуваме оставката на премиерот Никола Груевски како камен темелник на примената на Договорот од Пржино.
Многу важни обврски од Договорот од Пржино сепак не беа остварени. На пример, работата на Анкетната комисија која треба да предложи реформи за разузнавачките служби и која останува нереализирана. Кога ќе бидат комплетирани, тие реформи треба да воведат политичка одговорност за сите оние за кои ќе се открие дека незаконски постапувале.
Изјавите на една политичка партија, ВМРО-ДПМНЕ, и нејзините лидери кои ја напаѓаат работата на Специјалната обвинителка се уште еден извор на загриженост. Ние ги повикуваме сите политички партии, кои едногласно се договорија за именувањето на г-ѓа Катица Јанева, јавно да ја поддржат работата на Специјалната обвинителка во текот на сите фази на нејзината работа. Ние исто так аги охрабруваме сите партии да ја поддржат работата, и јавно и приватно, на незвисната Државна изборна комисија за да се обезбеди таа да има доволно персонал, ресурси и пристап до информациите кои и се потребни за да води својата работа во првата темелна анализа на изборната листа на земјата.
Конечно, како што тоа и го рековме на владата на Македонија минатиот петок, САД е загрижени поради недостигот на напредок за препораките на Канцеларијата на ОБСЕ за демократски институции и човекови права дадени во 2014 година. Во нив се содржани: пречистување на изборниот список, реформа на медиумите за да се обезбеди еднаков пристап за сите алтернативни ставови, одвојување на државата од партијата, спречување на заплашувањето на гласачите и притисок. Како клучни олеснувачи на Договорот од Пржино, САД и ЕУ ќе направат анализа на напредокот околу овие прашања пред распуштањето на парламентот на 24 февруари за да се определи дали условите кои треба да водат до кредибилни избори на 24 април се исполнети како што тоа го предвидува Договорот од Пржино.
Сакам јасно да кажам дека ние и ја нудиме оваа анализа на Македонија како нејзини пријатели. Граѓаните на Македонија се тие кои ја определуваат нивната иднина. Ние бараме од македонските политички лидери да преземат итни чекори за примена на преостанатите обврски од Договорот од Пржино и препораките на ОДИХР за кредибилни избори.”