Пишува Суад Бегановиќ, Прометеј, Босна и Херцеговина
Пред неколку денови одекна веста дека е претепан новинарот Неџат Латиќ. До јавноста веднаш стигнаа фотографии, на кои се забележува очигледна повреда на главата. Латиќ добил повеќе удари по телето, според изјавата која ја даде. Од тој момент јавноста се заинтересира за случајот, а речиси секој чекој во целата ситуација ја покажува распаднатоста на системот во Бих.
Имено, Неџат Латиќ е еден од најпознатите новинари во државата. Со години важеше за човек на системот, поради неговото пријателство со претседателот Алија Изетбеговиќ. Денес, Латиќ е независен новинар кој поседува сопствен портал. Долгогодишната врска со владејачката партија, СДА и разминувањето со неа му овозможи одлично познавање на ситуацијата одвнатре и сега пишува за тоа. Често во јавноста е перцепиран како човек со инсајдерски информации.
Нападот го опишува вака: „Бев во џамија, и кога тргнав дома, забележав дека ме следи еден човек кој го знаев од претходно од гледање, и кој се клања во истата џамија со мене. Се работи за припадник на вехабиската заедница. Ме нападна додека приоѓав на зградата во која живеам.“
Потоа Латиќ го изјавува и следното: „Повикав брза помош и полиција. Двајца полицајци дојдоа во станицата за итна помош, каде што им реков дека го познавам напаѓачот, верувајќи дека тие веднаш ќе реагираат. Меѓутоа, тие ми предложија по прегледот во болница, утре да отидам во полициска станица и да го пријавам напаѓачот.“
Со оглед на фактот дека му рекле да дојде утре, Латиќ смета дека тоа е свесна опструкција и недостаток на желба да се направи нешто по тоа прашање. Тоа го поткрепува и со докази, со напомена дека ова е веќе трет напад врз него. Имено, веќе речиси две години Латиќ предупредува дека му се закануваат преку мрежите, дека безбедноста му е загрозена и дека зад тоа стои свесно дозволување од системот.
„Се тоа уредно го документирав и пријавував на министрите на полицијата Предраг Куртеш, Ведран Мулабдиќ, но и на Бакир Изетбеговиќ на 3 мај 2017 година.
Бакир (Изетбеговиќ, син на Алија Изетбеговиќ и претседател на СДА) ме упати на директорот на ОСА (Обавештајно сигурносна агенција), а тој наместо да ме прими, рече дека „пишувам сешто“.
Изетбеговиќ му достави документација за личноста која ми се заканува со смрт преку Фејсбук, на Осман Мехмедагиќ Осмиќ, директорот на ОСА. Го сретнав во еден ресторан Осмиќ, сакајќи да му се најавам за разговор кај него, а тој почна да ми проповеда дека „сешто пишувам“, така до разговор воопшто не ни дојде.
Со оглед на ваквиот однос на органите на прогонот, Латиќ смета дека ова е обид за негово убиство. Од порано е познато во медиумите дека пред неколку месеци Латиќ преживеа инфаркт и како тежок срцев болесник е нападнат од кик-боксер.
„Мојата проценка е дека овој напад е планиран и нарачан од тие центри со намера да ме убие напаѓачот! Имајте во предвид дека неодамна имав инфаркт и се наоѓам во многу лоша здравствена состојба“ – изјави тој.
Се испостави деак Латиќ, сомневајќи се дека полицијата ќе направи нешто, веднаш ги извести новнарите, побара снимка од надзорната камера во близина на џамијата и го препозна својот напаѓач, и објави негова фотографија. Со оглед на неговата популарност, медиумите го проследија секој чекор од оваа истрага.
Истрагата беше бавна, а најпосле уапсениот напаѓач беше пуштен, без да му биде одредена било каква мерка за забрана.
Медиумите, како и самиот нападнат новинар, ја истражија врската на напаѓачот и дојдоа до застрашувачки податоци. Повеќето навестуваат дека напаѓачот е во врска со СДА, најсилната партија која е на власт последните дваесет години. При тоа, постојат фотографии кои сведочат дека напаѓачот се дружи со некои од главните луѓе во СДА, како Салко Зилџиќ, советник на Алјоша Чампаре, кој е министер за внатрешни работи на БиХ. Да резимираме, напаѓачот е во врска со самата полиција.
Наведениот случај повеќето го доведуваат во врска и со расколот во СДА кој моментално ги дели членовите на неколку фракции. Нервозата која го следи губењето на моќта се рефлектира во диктаторски методи на заплашување на критичарите како Латиќ.
Јавноста реагираше брзо и бројни партии од опозицијата, здруженија на новинари и поединци го осудија овој напад. Повторно не и се брзаше на СДА и владејачката гарнитура. Сараево и отворено стана град опасен по новинарите.
“Проектот е финансиран од Европската унија преку програмата за мали грантови „Заштита на медиумските слободи и слободата на говор во Западен Балкан“ имплементиран од Здружението на новинари на Хрватска како дел од Регионалната платформа за застапување на медиусмките слободи и безбедност во Западен Балкан во партнерство со шест организации од регионот (Независното здружение на новинари од Србија, Здружението на новинари од БиХ, Хрватсото здружение на на новинари, Здружението на новинари од Македонија и Унијата на медиумите од Црна Гора”.