Поранешниот француски претседател Никола Саркози во телевизиско интервју објасни зошто повторно сака да застане на чело на партијата Унија за народно движење и подоцна да се врати и во управувањето, објави АП.
Тој смета дека земјата ќе западне во изолација, ако на власт дојдат националистите, а тој не би сакал да се дозволи тоа.
Саркози рекол дека го мотивира безнадежноста, недостатокот на перспектива и гневот кој го чувствува кај своите сонародници.
-Нашата држава е една од ретките со такви расположенија. Сакам да го сменам тоа, изјавил тој.
Агенцијата потсетува дека кога ја напушти Елисејската палата, Саркози рекол дека ја напушта и политиката и ќе и служи на својата земја по друг начин.
Учеството на изборите за претседател на партијата му е првиот чекор кој ќе го оствари на следните претседателски избори во 2017 година.
Поддржувачите го сметаат Саркози како единствената фигура која може да ја изведе десничарската партија до победа на претседателските избори по 3 години.
Тој се повлече од политиката по поразот од актуелниот претседател Франсоа Оланд на изборите во мај 2012 година.
Во последните години Саркози е поврзан и со неколку тужби.