Неговото име е јапонски макак и живее во снежните планини на земјата на изгрејсонцето.
Научниците велат дека овие мајмуни се многу интелигенти и дека имаат чудно поведение кое многу личи на човечкото. Така на пример, макаците прават топки до снег и си играат со нив исто како и ние. Но, едно од нивните големи задоволства е одењето во сауна!
Во снежните јапонски планини температурата се спушта до минус 20 степени. Мајмуните имаат дебело крзно но сепак и ним им студи. Во такви моменти се собираат во планинската река која не само што никогас не мрзне туку, поради подземните струења, има вода со температура од 41 степен.
Така, макаците се топлат и уживаат во топлата вода. Но, она што е уште почудно е нивната хиерархија. Така, во “сауната” немаат пристап сите.
На овој клип емитуван на Арте телевизијата, можете да видите дека во топлата вода има место за некои од мајмуните додека другите смрзнуваат. Некои се обидуваат да влезат во водата но, избраните и привилегираните, имаат свои чувари кои не дозволуваат секој да влезе во бањата. Коментарот на Арте објаснува дека во сауната влегуваат женките и малите кои се дел од “високото друштво”.