Скандалот во М-НАВ, клучната институција задолжена за безбедноста во воздухопловниот сообраќај, станува уште една партиска испостава на власта, обвинува СДСМ. Од партијата велат дека ВМРО-ДПМНЕ ветувала мерит систем, а спроведува бруталната и скандалозна партизација на институциите.
Без било какви квалификации, мажот на директорка на Централен регистар, сопругата на Игор Југ — осуден за нападот на Собранието на 27 април и потпретседателот на УМС на ВМРО-ДПМНЕ се вдомени во М-НАВ наместо стручни, едуцирани и лиценцирани кадри. Додека млади луѓе со образование, знаење и стручност се одбиваат, партиската книшка на ВМРО-ДПМНЕ станува единствен критериум. ВМРО-ДПМНЕ не само што ја загрозува безбедноста, туку испраќа силна порака до младите дека со оваа власт немаат иднина.
Ова не е само скандал за партизација, ова е закана по безбедноста на патниците и воздушниот сообраќај. Власта да не си игра со безбедноста на македонското небо. М-НАВ не е играчка во рацете на ВМРО-ДПМНЕ, туку сервис што мора да функционира строго професионално и во служба на граѓаните, се вели во партиското соопштение.
СДСМ бара итно поништување на овој срамен оглас, повлекување на сите спорни решенија и оставки од сите инволвирани.