Никола Груевски немоќен да ја смени реалноста што стана видлива, во којашто “дела“ нема, почна да се правда за катастрофалните политики. Со лаги. Милијардата за инфраструктура со која денеска се фалеше Груевски е во најава, реагира опозиционата СДСМ.
Според СДСМ, Никола Груевски во седумгодишното владеење има изградено само 7,6 километри автопат, тоа е автопатот Табановце – Куманово. Ја реконструираше 27 километарската делница Катланово – Велес и ја дозаврши скопската заобиколница. За сето ова во просек годишно Владата на Груевски давала по 17 милиони евра. Тоа е приближно колку сумата за 11 изградени споменици во Центарот на Скопје, како што покажа Ревизорскиот извештај за Скопје 2014.
– Ако се зборува за магистрални патишта, токму рекламата на ВМРО – ДПМНЕ насловена “Изградени патишта“ покажува дека Груевски од 2006 до 2013 година во просек вложувал во 3,7 километри магистрала. Во што биле инвестирани по 2 милиона евра годишно.
За 4-те лавови на мостот Гоце Делчев отидоа 3 милиони евра пари на граѓаните.
Дали можеби Груевски под вложувања во инфраструктурата, мисли на сумата од 4,7 милиони евра што ја одвојувал за локални патишта?! Колку половина објект Триумфална порта?!
– Според рекламниот памфлет на ВМРО – ДПМНЕ, Владата на Груевски во 7 годишното владеење, во просек, за патишта трошела по 33,7 милиони евра годишно. Тоа се не цели 236 милиони евра за патишта за сите 7 години власт!
– Останатите 700-тини милиони евра за патишта Груевски ги ветува до 2018 година.
Премиерот Груевски треба да и објасни на јавноста каде ја говори вистината, во денешното негово тврдење, во отчетот на ВМРО – ДПМНЕ или во рекламите. Или можеби никаде?!, велат во СДСМ.