СДСМ ја напуштија Собраниската комисија за транспорт и врски, каде се дебатираше Законот за медиуми.
Како што изјави Весна Бендевска за НОВА, СДСМ одбиваат да дебатираат за амандмани за закон за кој сметаат дека не треба воопшто да постои, кој не е одобрен од ЕК, ОБСЕ, Советот за Европа, како и од домашните и меѓународните медиумски организации и институции.
Од друга страна, пратеникот на ВМРО-ДПМНЕ Александар Николовски на Комисијата им предочил на СДСМ дека тие ќе бидат виновни доколку биде повлечена одлуката за преговори со ЕУ, но и дека ќе има реперкусии врз есенскиот извештај на Европската комисија.
Бендевска додаде дека во понеделник СДСМ сепак ќе присуствува на дебатата на Собрание за Законот за медиуми.