СДСМ најави тужби против, како што стои во денешното нивно соопштение, режимските мегафони кои се обидуваат да го исперат ВМРО ДПМНЕ за своите срамни одлуки за изборниот процес во Кичево и токму заради сите изнесени невистини и клевети најавуваме тужби против новинарот Драган Павловиќ-Латас, главниот и одговорен уредник на Сител Телевизија, Горан Иванов и против одговорните лица на интернет порталот “Курир“.
Факти за поднесувањето на тужбите според СДСМ се следни:
Прво, приговорите кои ВМРО ДПМНЕ ги достави до ДИК се однесуваат за две гласачки места 0793 и 0734 во Кичево, каде вкупно има запишано 1990 гласачи. Бидејќи разликата која во своја полза ја има Фатмир Дехари е 2330 гласови, дури и сите запишани гласачи на овие две оспорени гласачки места да гласаат 100% за Благоја Депостоски, не е возможно да се смени изборниот резултат. Оттука, изнесените манипулации на Драган Павловиќ-Латас и Сител Телевизија и интернет порталот Курир дека доколку се поништело гласањето на овие изборни места ќе се сменел исходот во Кичево, се најобична лага. Инаку, на 24 март, Благоја Деспотоски на локалните избори во овие оспорени гласачки места, во 0793 освоил само 3 гласови, а во 0734 освоил 219 или вкупно 222 гласови. Овој податок најдобро говори зошто ВМРО ДПМНЕ ги избрал овие гласачки места за приговори.
Второ, дека ВМРО ДПМНЕ глуми патриотизам најдобар доказ е фактот што приговорот за едно од вкупно двете оспорени гласачките места-0793 каде има запишано вкупно 1173 гласачи, членот на извршниот комитет на владејачката партија, Владимир Пешевски го доставил во ДИК на 25 март во 00:30 минути, односно 30 минути после законскиот рок во кој можел да го достави, што за нас не е сфатливо како вицепремиер може случајно да направи ваков пропуст. Или е неспособен или намерно го направил формалниот пропуст.
Трето, не е точно дека претставниците на СДСМ во ДИК гласаа против овие приговори, туку
се воздржаа од гласање, заради цврстата определба да ја почитуваме правната држава и
Изборниот закон, и да не бидеме соучесници во незаконската и политички провидната игра
на ВМРО ДПМНЕ за Кичево, преку која треба да се сокријат гнасните валканици на режимот и лажниот мит за Никола Груевски.
На крајот од СДСМ истакнуваат дека очекуваат дека ова соопштение да биде објавен во форма на демант интегрално на Сител телевизија и порталот Курир.