Струмички „Комуналец“ ја санира состојбата по синоќешните поплави. Надојдените води од Водочница и неисчистените полски канали се причина за поплавите. Со брзата интервенција на екипите од „Водовод и канализација“ состојбата на улиците во долниот дел од Струмица е нормалилизирана.
Како што изјави директорт на „Комуналец“ Зоран Горгиев, вработените со помош на механизацијата за краток рок ги расчистиле наносите од улиците.
– Овие поплави се резултат на ударниот бран кој дојде по поројниот дожд. Сепак, причината за ваквата состојба се и огромните количини вода кои преку неисчистените полски канали пристигнаа во реката Водочница, рече Горгиев.
Синоќешниот пороен дожд предизвика надојдување на води и поплави и во селото Градашорци, општина Василево, а реката Струмица освен во атарот на Босилово се излеа и во атарот на селото Дабиле.