Полицијата за денеска најави детали за случајот со уапсената измамничка која се преставувала како шефица на базата Бондстил на НАТО во Косово.
Генерал Мими успела да измами голем број на граѓани на кои им ветувала вработувања, големи плати и бизниси, а од нив барала илјадници евра како награда.
Измамените граѓани дури оделе да се облечат во скапи бутици за да изгледаат добро на бизнис средбите кои никогаш не се случиле. Откако ќе ги земела парите 34 годишната изманичка позната како „Генерал Мими“исчезнувала.
Приказната стигнала и во НАТО. На поплаките реагирал и генералниот секретар Андрес Фог Расмунсен, кој преку амбсадорот Дирек Бренгелман кој минатата недела беше во државата, им кажал на македонските власти дека жена измамничка го злуопотребува името на алијансата.
Се уште не се знае колку луѓе се вплеткани во мрежата на „Генерал Мими.“