Ќерката на Нелсон Мандела вели состојбата на поранешниот јужноафрикански претседател е многу критична и се е можно.
„Ќе повторам дека ситуацијата на Тата е многу критична и се е можно, но ќе нагласам дека само Господ знае кога е времето да се замине“, изјави Маказиве Мандела.
Во средата, јужноафриканскиот претседател, Јакоб Зума, го посети Мандела во болницата и самиот изјави дека состојбата со Мандела е влошена.
„Претседателот е постојано информиран од страна на лекарите кои прават сé што можат за да се обезбеди неговата благосостојба”, рече портпаролот на владата.
Неколку илјадници луѓе се собрани пред пред болницата во Преторија кои со свеќи и молитви ја искажуваат љубовта кон Нелсон, пренесува Ал Џезира.
Мандела, кој стана првиот црн јужноафрикански претседател по завршувањето на апартхејдот во 1994, неодамна беше пренесен во болница поради периодична инфекција на белите дробови.
Ова е четвртиот престој на Мандела во болниците од декември минатата година.