Според властите во Париз, се очекува реката Сена денеска да го достигне својот максимум, откако вчера, по поројните дождови, реката се излеа од коритото, поплавувајќи ги улиците на фрнацускиот главен град.
Локалните власти соопштија дека Франција е пред прогласување на состојба на природна катастрофа во областите кои се најпогодени од поплавите, претежно местата каде што течат притоките на Сена.
Поројните дождови се очекува да продолжат и во текот на викендот.
Службите за итна реакција во градот Немур со чамци го евакираа населението, додека во меѓувреме, премиерот Мануел Валс вети огромна помош за најпогодени.
За разлика од реката Лоин, покрај градот Немур, според метеоролошките станици, коритото на Сена се очекува да расте и да потопи некои улици во Париз.
Во меѓувреме, музејот Лувр порача дека нема да работат за време на поплавите за да се зачуваат делата внатре.
