Обрачот се стега околу турскиот премиер Реџеп Ердоган, јавува АФП. Премиерот е заплиснат со голем политичко-финансиски скандал кој предизвика цела серија оставки во неговите редови и нови протести кои беа растурени од полицијата вчера.
Турската лира и берзата паѓаат а полицијата синоќа интервенираше во Истанбул и Анкара за да ги растури протестантите со топови со вода и солзавец кои беа бараа оставка на исламо-конзеравтивната партија поради корпуцијата на владата.
“Доста ни е од валканите скандали на Ердоган и неговата влада. Тој мора да си оди”, изјави за АФП еден од протестантите во Истанбул.
Во овој најголем турски град протестите траеа повеќе часови околу плоштадот Таксим која ја разниша власта во јуни годинава. Синоќа 31 лице биле уапсени за време на инцидентите.
Ердоган продолжува да се брани и не попушта пред бранот на протестите и тврди дека се работи за “заговор” против него, рече тој пред илјадниците негови приврзаници кои го поддржуваат во Истанбул.
Ердоган не го именуваше неговиот противник, но тој укажа на муслиманскиот проповедник Фејтула Ѓулен за кој се смета дека ја има отворено антокоурпциската истрага која доведе до оставки на тројца министри. Ердоган им замера на судските власти дека без докази фрлиле сомненија врз неговата влада.
Ѓулен беше до неодамна голем поддржувач на Ердоган и неговата влада од самиот почеток во 2002 година но одлучи да и објави војна на владата поради несогласувања околу поддршката на приватните училишта.
Во средата беше направен реконструкција на владата откако на 17 декември беа уапсени десетици лица блиски до власта и овој настан продолжи да предзивикува протести вчера. Пет пратеници ја напуштија партијата на Ердоган. Тие сметаат дека владата повеќе нема слух за ништо.
Состојбата предизвикува и шпекулации за воен удар. Турската армија објави соопштение во кое вели дека нема намера да се вовлекува во политичките дебати.
Истовремено берзата продолжи да паѓа и покажува голема нервоза со пад на лирата за 7,5 отсто од почетокот на декември.
Владата донесе декрет кој бараше од полицијата да ја информира својата хиерархија се секое апсење. Овој декрет беше поништен од судските власти и со самото тоа ја зголеми кризата помеѓу нив и владата. Овој потег беше шамар за Ердоган кој нареди “чистка” во редовите на полицијата помеѓу кои и високи функциониери кои беа заменети со “сигурни луѓе”.
ЕУ го осуди овој потег. Комесарот за проширување Штефан Филе побара од Турција да биде транспарентна и независна во анти-корупциските истраги.
Според турскиот печат истрагата се интересира за еден од двата сина на Ердоган, Билал кој осомничен за корупција во фондацијата за образование која тој ја води. Но, премиерот тврди дека само тој е основна цел на целата операција.
За четири месеци се одржуваат локални избори во Турција а оваа криза ја разнишува позицијата на Ердоган кој владее веќе 11 години.