Семејството на починатата Фросина Цекова од Крива Паланка, која пред седум месеци беше прегазена кај Универзална сала, и денеска го испрати својот адвокат во Скопје, во обид да добие одговор од обвинителот и кога ќе започне истрагата за смртта на нивната ќерка. Не знаат зошто обвинителството се уште нема започнато истрага, ниту зошто не е одредена мерка притвор за 27 годишниот Љ.В за кој во извештајот стои дека ја прегазил 20 годишната Фросина.
За семејството целиот тек на истрагата и собирањето на доказите е сомнителен. Таткото на Фросина, Љупчо вели дека обвинителството ги има собрано сите потребни документи и докази, но истрага се уште нема.
„Во обвинителстото ни рекоа дека државата нема корист од тоа, доколку одреди мерка притвор за човекот што ја прегази нашата ќерка, му бил одземен пасошот и тоа за нив било доволно“, вели за НОВА, Љупчо Цеков, таткото на младата студентка чиј живот згасна на 3 април.
.jpg)
Тој се уште с е прашува кој ја возел Хондата која на булеварот „Партизански одреди“ја прегази неговата 20 годишна ќерка. Семејството е убедено дека возачот кој сам се пријавил не е тој вистинскиот, туку друг е убиец на нивното дете.
„Ние не бевме повикани на распит кога давал изјава обвинетиот, но знаеме дека изјавил дека ќе се брани со молчење. Но, она што е сомнително, е што податоците од двата записници, тој од полиција и од обвинителство, не се совпаѓаат. Во едниот стои дека возачот сам се пријавил во полициска станица, а во другиот дека е фатен од страна на полицијата во населбата Кисела Вода„вели Цеков.
Семејството поднело Преставка до Основното јавно обвинителство бидејќи како што велат, судскиот вештак направил пропусти во истрагата.
„Нема снимка од семафорот, на пешачкиот на кој што е прегазена Фросина. Има снимка само од преходниот семафор каде што се гледа дека возилото застанува со брзина од околку 82-85 километри на час. Обвинителството треба да ја има увид и снимката од семафорот каде што се случил инцидентот, да се види дали поминувал на црвено или на зелено светло, со која брзина возел,“вели Цеков.
Незадоволни од текот на истрагата, од обвинителството кое ја одолговлекува истрагата се и пријателите, другарите и колегите на младата Фросина. Тие синоќа го блокираа булеварот
„Партизански одреди“ во делот кај Универзална сала , во знак на протест до надлежните што побргу да покренат обвинителен акт.
“Доживотен затвор за убиецот“, „Кое е твоето вистинско име?“ „Уште колку?“, со овие транспаренти во рацете, потсетија дека нејзиното семејство бара да се пронајде вистинскиот убиец.
„Ја блокиравме улицата за да ги потсетиме надлежните да покренат истрага. Знаеме кој е обвинетиот, но не ни е јасно зошто се избришани отпачатоците на воланот, тие не се совпаѓаат, како што стои во записникот“, изјави Исидора Јакимовска, другарката од детство на младата Фросина која го загуби животот враќајќи се од факултет, откако автомобил Хонда со огромна брзина удри во неа по што избега.
Студентите најавија дека веднаш по завршувањето на колквиумите ќе организираат поголеми и почести протести се додека не започне истрага за смртта на нивната прерано почната колешка и другарка, а вистинскиот убиец ќе биде казнет.