Горење во Велење го совлада македонскиот вицепрвак со 23:18. Екс вардарецот Брумен најефикасен на средбата со 6 гола
Металург останува на една победа во СЕХА лигата по седум одиграни меча. Горење му нанесе петти пораз на македонскиот вицепрвак во регионалното ракометно натпреварување. Словенечкиот состав триумфира со 23:18 (полувреме 12:7).
Екс играчот на Вардар, Матјаж Брумен беше најефикасен на средбата со 6 гола, Лука Митровиќ постигна четири. Филип Талески реализира најмногу, четири, за „металурзи“, по трипати погодија Петров, Дрогришки и Илиќ.
Вардар е лидер на табелата во СЕХА лигата со 22 бода и единствена е екипа без пораз засега. Металург е осми со само 4 бода. Во наредното оло „црвено-црните“ му гостуваат на Нексе, „металурзи“ ќе играат со Целје во Скопје.