Мила Царовска, министерката за образование и наука,најави дека ќе се изучува сексуалното образование во основните училишта, но како изборен предмет во деветто одделение. Министерката со тоа демантираше дека овој предмет ќе биде застапен во второ одделение. Таа додава дека во моментов се држи интензивна обука во четири пилот училишта.
„Бидејќи е изборен предмет, наставниците кои се подготвени да ги предаваат овие теми ќе поминат соодветна обука. Во моментов се држи интензивна обука во четири пилот училишта каде што треба да се воведе од наредна година пилотирање на изборен предмет сексуално образование, во деветто одделение, изјави Царовска.
Според министерката, сите анкети покажуваат дека и родителите, и учениците, и наставниците имаат потреба од овие теми во образовниот систем во погорните одделенија.