Властите на градот Севастопољ, каде над 70% од населението се Руси, го прогласија рускиот јазик за службен јазик за употреба во службената комуникација.
Одлуката утрово ја потпиша вршителот на должноста претседател на градската управа на Севестопољ, Димитриј Белик, пренесува руската агенција Итар-тас.
Кримскиот проруски ориентиран премиер Сергеј Аксјанов се им овозможи на жителите кои таму живеат да избираат меѓу руски или украински пасош, доколку тој дел на украинската територија стане дел на Русија после референдумот закажан за 16 април, извести агенцијата РИА.
Аксјанов, кој за покраинските челник се прогласи на пред две недели, откако руските државјани ја зазедоа зградата на парламентот, за руската новинска агенција рече дека кримските власти се залагаат и за користење на двата јазика – руски и кримско-татарски.
Мнозинството од два милиона жители на Крим го сочинуваат Руси, но таму живеат и 250.000 староседелци – Татари, која таму се вратиле после осумдесеттите години на минатиот век. Во 1944 година, Сталин поради наводна соработка со фашистичкиот окупатор ги протера во средна Азија. Кримските татари се противат на руската анексија.
Западот ја критикуваше замислата за давен референдум кој го поддржува Москва, сметајќи дека е илегален и дека со него се крши украинскиот устав, но рускиот претседател Владимир Путин ги смета за легитимни потезите за отцепување на Крим и вели дека Русија има право да ги штити своите државјани кои таму живеат.
Симнатиот од власт украински претседател Виктор Јануковиќ треба утре повторно да и се обрати на јавноста од Ростов на Дон, на југот на Русија, за руските медиуми известуваат добро информирани извори.
Некои руски медиуми јавија дека Јануковиќ имал срцев удар и дека хоспитализиран во Москва, но тие информации не беа потврдени.
САД нема нема да ја признаат одлуката за припојување на Крим кон Русија, изјави вчера еден службеник во американската администрација, додека истовремено и Белата куќа потврди дека претседателот на украинската влада Арсениј Јацењук ќе пристигне во текот на неделата во посета на Вашингтон.