Северна Кореја предизвика нелагодност во североисточна Азија заканувајќи се со напади од страна на “помала, полесна и насочувана” нуклеарна сила и со заклучување на јужнокорејските работници од заедничкиот фабрички комплекс, јавува Си-Ен-Ен.
Во новиот вербален напад, државната новинска агенција КЦНА на С. Кореја објави дека “несовесната нуклеарна закана” поставена од страна на Соединетите Американски Држави “ќе биде уништена од силната волја на заедничкиот сервисен персонал и од помал, полесен и насочен нуклеарен напад на Северна Кореја. ”
САД, во меѓувреме, рече дека ќе испрати копнен ракетен одбранбен систем на Гуам, за да се одбрани од евентуалните балистички ракети на С.Кореја. Пацифичкиот остров, кој се наоѓа околу 2.000 милји од Северна Кореја, е седиште на американски поморски и воздухопловни бази.
Американскиот секретар за одбрана Чак Хeјгел изјави дека заканите на С.Кореја кон Гуам, хаваи и Америка треба да се земат сериозно: “Може да се згреши еднаш и јас не сакам да бидам секретар за одбрана кој еднаш згрешил”, изјави тој пред публиката во Универзитетот за национална одбрана во Вашингтон.