Јужнокорејското министерство за одбрана известува дека војската забележала засилени активности во и околу подрачјето за нуклеарни тестирања во Северна Кореја, објавува BBC.
Поради тоа министерството смета дека севернокорејските власти повторно планираат на изведат нуклеарно тестирање.
„Нашата војска моментално забележува мноштво активности на постројките за нуклеарни експерименти на Пјонгјанг и околу него“, изјави за новинарите портпаролот на јужнокорејското министерство за одбрана Ким Мин-Сеок.
Севернокорејската нуклеарна програма стигна до стадиум кој овозможува спроведување на експеримент „кога сака“, штом власта во Пјонгјанг издаде наредба, додал портпаролот на министерството.
Северна Кореја досега изведе три нуклеарни проби. Последниот беше во февруари во 2013 што предизвика повеќе месечна напнатост на Корејскиот полуостров. Проби имаше во и во 2006. и во 2009. година, сите ги осуди ООН што резултираше и со воведување на санкции за Пјогјанг.
Во петок во посета на Јужна Кореја треба да пристигне американскиот претседател Барак Обама, по тридневната посета на Јапонија.
Аналитичарите сметаат дека е малку веројатно четвртата нуклеарна проба да биде изведена при посетата на Обама, ценејќи дека пред се Пјонгјанг сака да изрази несогласување.