Шефот на американската Агенција за национална безбедност (НСА) Кит Александер ги отфрли обвиненијата дека таа служба собирала податоци за телефонските разгвори на десетина милиони лица во Франција, Шпанија и Италија, оценувајќи ги како целосно невистинити.
Тој, сведочејќи пред Комитетот за разузнавачки податоци на Конгресот, изјави дека европските медиуми погрешно ги протолкувале податоците, кои им ги доставил поранешниот соработник на НСА, Едвард Сноуден, напоменувајќи дека токму европските безбедносни служби и доставиле на НСА голем дел од информациите, кои се споменуваат.
Директорот на американската Национална разузнавачка служба Џејмс Клепер изјави дека странските агенции редовно вршат шпионски активности против американските лидери и нивните служби.
Францускиот и шпанскиот весник „Монд“ и „Ел Мундо“ на почетокот на неделава, повикувајќ се на податоците од Едвард Сноуден, објавија дека НСА во период од месец дена прислушкувала 70 милиони телефонски разговори во Франција и 60 милиони во Шпанија.
Воедно и италијанскиот „Еспресо“ објави дека американските и британските служби ги прислушкувале и италијанските граѓани.