Норвешката дизајнерка која беше осудена на казна затвор по нејзините тврдења дека била силувана во Дубаи, го добила своето „извини“, вели портпаролката на норвешкото Министерство за надворешни работи.
Владетелот на Дубаи, шеикот Мухамед бин Рашид ал Мактум, потврдил дека 24-годишната девојка, Марте Дебора Далелв е слободна да патува во било која земја, или да остане во Дубаи ако тоа е нејзината волја, изјави портпаролката Рагнилд Имерслунд.
Шеикот, кој е и заменик претседател на Обединетите Арапски Емирати, исто така, дополнил дека Далелв не била и нема да биде депортирана, пренесе Имерслунд.
Силуваната Норвежанка во Дубаи со исповед за Си-Ен-Ен
Инаку, Марте Дебора, дизајнерка на ентериер, беше на работно патување во Дубаи каде што пријави во полицијата дека била силувана од страна на еден колега во хотелот каде што престојувале.
По нејзините пријави, самата беше притворена и обвинета за незаконски сексуални активности, со причина дека дала лажна изјава, и за нелегално консумирање на алкохол.
Судот минатата недела ја осуди на 16 месеци затвор, што предизвика гнев во Норвешка.
Далелв е сеуште во Дубаи но се очекува да замине од земјата во наредните денови.
Според портпаролката, конструктивниот дијалог помеѓу миннистерствата на Норвешка и ОАЕ, заедно со меѓународниот притисок и интерес довеле до ослободувањето на Далелв.