„СДСМ треба да излезе со нова екипа со обновена и засилена понуда: Размислуваме како ќе настапуваме во Парламентот, во медиумите. Екстремно повисоко присуство на терен. Свесни сме дека вентилот за информации се стега не се отпушта, се притвораат новинари, гинат новинари без да се добијат веродостојни извештаи“, вели во интервју за НОВА, Радмила Шеќеринска од СДСМ.
„Граѓаните очекуваат визија, храброст, одлучност и енергија“, потенцира Шеќеринска.
Според неа потребно е време за екипирање, „чекорите нема да ги правиме одеднаш, градиме стратешки настап на СДСМ“.
За обвинувањата од премиерот Груевски дека новото раководство на партијата ќе биде во сенката на досегашниот лидер Бранко Црвенковски, Шеќеринска одговара:
„Како поранешен претседател на РМ, премиер и долгогодишен лидер на партијата неговото искуство паметна држава и партија треба да знае да го искористи.
– Непримерен е ваквиот речник на премиерот. Во секоја цивилизирана држава, на новиот опозициски лидер прев честитка му испраќа премиерот, тоа не се случи. Неговата изјава дека консензус и единство се потребни за прашања од државен интерес се невистинити.
– Сега само државните пари кои се користеа за пропаганда против Црвенковски ќе се префрлат на друго име“.
Ова се само секвенци од интервјуто кое ќе можете да го гледате вечерва во 19 часот во Студио на НОВА.