Најавата за повлекување на кандидатурата за лидер на СДСМ на Заев не е конечна одлука, а таа ќе биде на дневен ред на средбата помеѓу него и Радмила Шеќеринска, денеска во Струмица, брифираат извори од СДСМ за НОВА.
Според овие извори, главниот проблем за Заев се меѓупартиските битки и нефер кампањата на одредени кандидати во која всушност, за да се задоволат амбиците и на сите претенденти за прв човек на СДСМ и да не се создаде дополнителен раздор, се разговара за поделба на функциите со што сите засегнати страни би ја делеле моќта а и со тоа би постигнале единство.
Од друга страна пак, други извори од СДСМ брифираат дека синоќешниот потег на Заев е далеку од реален и дека всушност значи притисок до раководството но и до членовите за да се алармира начинот на кој се одвива претседателската трка, а со кој всушност не е е воопшто задоволен и со тоа би се мобилизирало членството.
До вечер ќе се знае дали Заев се откажува од кандидатурата
Зоран Заев ја повлекува кандидатурата за лидер на СДСМ
Во целата констелација на односи, моќта на Црвенковски е најголемиот предизвик за кандидатите, кои на разни начини се обидуваат или да ја неутрализираат ако веќе не можат да ја анулираат, други пак да ја наследат: Оние кои сакаат комплетни промени се обидуваат да создадат простор за целосна реформа во партијата согласно сопствениот авторитет и харизма, додека оние наклонетите кон него да го искористат за свои цели- со неговиот авторитет и харизма да го привлечат членството и да лобираат за своја победа.
Крајниот рок и конечниот епилог ќе биде познат на 16 мај, кога веќе ќе се кристализираат конечните кандидати и нивниот распоред на силите.