Поранешниот градоначалник Петре Шилегов на Фејсбук објави коментар на реакциите, откако тој постави фотографија од кадар со легендарниот автобус од филмот „Ко то тамо пева“, кои, пак многумина го поврзаа со ветувањата за еколошки автобуси на актуелната градоначалничка Данела Арсовска.
„Во текот на вчерашниот ден постирав фотографија од еден од моите омилени филмови „Тко то тамо пева”. Не споменав ниту име, ниту институција, ниту настан. Одеднаш на постот, во коментарите, некои ликови започнаа да ја бранат актуелната градоначалничка на Скопје, г-ѓа Арсовска.
И сега имам дилема. Како баш драги мои (данело)бранители ја препознавте градоначалничката во фотографијата ? Што ве испровоцира толку, за неа да ја браните? Ничим изазвани, што би рекле во филмот“, пишува Шилегов.