Одбивање на дијалог со Русија во однос на случувањата во Украина, би било голема грешка, порача шефот на германската дипломатија Френк-Валтер Штајнмаер, нагласувајќи дека заканите од нови поделби во Европа се реални.
– Ситуацијата на источниот дел на Украина која се влоши последните неколку дена и крвавите судири во Одеса, покажуваат дека само неколку чекори не делат од отворена воена конфронтација, вели Штајнмаер во интервју за полски Газета виборч.
Тој вели поради конфликтот во Украина, постојат закани од поделба на Европа, а за решение треба да се анализираат сите можни начини да се дојде до тоа.
– Потребно е да направиме се што е можно за да не дојде до тоа. Треба да ги истражиме сите можни начини за спречување на отворена граѓанска војна во Украина, надополнува Штајнмаер.
Тој истакна и дека ниту една земја членка на ЕУ нема желба во Украина воено да интервенира и дека поради тоа Унијата во кризата околу Украина е осудена да врши комбинација од политички притисоци и дипломатија.