Во првите две обвиненија на Специјалното јавно обвинителство е и она кое се однесува на насилствата пред општина Центар во 2013 година. Покренати се обвиненија против 14 лица, а подолу може да ја чуете таканаречената „бомба 23“. Во извадокот од транскриптите прочитајте го оној во којшто тогаш од позиција на премиер, Никола Груевски му раскажува на поранешниот министер за транспорт и врски Миле Јанакиевски како размислува да нарача од некој од верниците кои протестираа да му удри неколку шамари на градоначалниот на општина Центар од спротивната политичка опција, Андреј Жерновски.
Разговор помеѓу Миле Јанакиески и Никола Груевски
НГ: Ќе падне на уставен тоа а?
МЈ: Сто посто… Е сега…
НГ: Јас си мислам покрај тоа што на уставен ќе падне, у петок он да изеде едно пет шест шамари пред камери… да влезат граѓани и еден граѓанин да дојде да му удри три шамари, јаки, и да си искочи
МЈ: Може да договориме сценарио мислам, ја планирав овие нашиве да излегуваат да протестираат
НГ: Ама не го збори ова на никој
МЈ: Не, добро
НГ: Оти ако се расчуе, џабе, ќе знае и ќе спречи
МЈ: Значи ептен онака значи, тоа е исто како мали џокица замислува нешто си прави одлука и си пишува шо сака во одлуката
НГ: Подговтви го Мартин и Суле да спремаат од утре да маваме.
МЈ: Добро, ги имам материјалите…
НГ: У петок ќе му собереме едно 2.000 луѓе пред Центар, дел ќе си влезат и внатре, пошо нели имаат право граѓани да влезат, па да видиме да размислиме дали еден да стане и едно три четири шамари јаки да му врзе пред сите. Не може ништо да му се напраи, нема тешка телесна повреда тука за кривична, има прекршочна само.
МЈ: А.. Добро е советниците да прават тие како за буџетот шо прават
НГ: Како
МЈ: Нашиве советници да прават како за тие што правеа за буџетот. Да излегуваат да викаат спротивно на закон, не си ти устав да цениш, кој си ти устав да цениш
НГ: Да да… Ќе му ја скршиме седница,
МЈ: Тоа е
НГ: Нема да може да одржи една седница,
МЈ: Важи, ќе го спремам и Мартин…
НГ: Aли да имаме со аргументи да ја напумпаме атмосферата дека праи фалш за после тоа да има оправдување за тој чекор
МЈ: Важи ќе ги спремам јас ќе се слушнам со Мартин… Ги имам сите аргументи
НГ: Ај
МЈ: Важи поздрав
Сите разговори од „бомба23“ кои се однесуваат на настаните пред општина Центар од кои што произлезе обвиниението на СЈО