Претседателот на Европскиот Парламент Мартин Шулц побара вчера од Русија да објави комплетен списокна членови на ЕП на кои им е забранет влез во земјата, како и да ги наведе причините поради кои им е воведена забраната, јавува МИА.
Повод за барањето на Шулц е минатонеделното одбивање на руските власти да дозволат влез во земјата на пратеничката на ЕП Ребека Хармс, која мораше по неколку часови задржување на московскиот аеродром да се врати за Брисел.
Претседателот на ЕП му испрати писмо на амбасадорот на Русија во ЕУ Владимир Чизов во кое нагласи дека ЕУ постепено и отворено објави санкции против некои руски претставници, поради, како што наведе, улогата во одвојување на Крим од Украина.