Славниот тркачки возач на Формула 1 Михаел Шумахер, е сериозно повреден во скијачка несреќа во Франција, јавува британскиот весник Дејли мејл.
44-годишниот седумкратен Формула 1 шампион беше на скијање во Мерибел, на француските Алпи, според француските медиуми.
Европа 1 известува дека Германецот бил превезен со авион во болницата во Гренобл, каде што тој се третира за повреда на главата.
Извештаите велат дека тој бил свесен за време на пристигнувањето во болницата.
Шумахер престојувал во луксузна вила во одморалиштето кој е омилено меѓу богатата елита на Европа.
Тој е страстен скијач кој има стаза именувана по него во италијанскиот ски-центар Мадона ди Кампиљо.
Француското радио тврди дека тој страдал од ‘тешки’ фрактури на черепот во несреќата ова утро.
Директорот на ски- центарот изјави за француската радио станица RMC, дека знае за несреќата, велејќи: “Не знам за сериозноста на повредата.
“Полицијата моментално спроведува истрага за причините за падот”
Тој додаде: “Ние се уште не знаеме дали тоа се случи на пистата или надвор од пистата”.