Белградската полиција во напуштена куќа во Раковица, го пронајде безживотното тело на 14-годишната Ивана Подрашиќ која исчезна пред повеќе од два месеца.
Инспекторите успеале да го разрешат ова свирепо злосторство, а човекот за кој се сомнева дека е убиецот, и кој има дебело криминално досие, веќе е уапсен, јавува „Вечерње новости“.
Српски „Курир“ пишува дека девојката била силувана па убиена.
Според тврдењата на родителите, на 29. јули таа излегла со пријателите и оттогаш никому не се јавила. Нејзиното исчезнување во полиција го пријавил нејзиниот татко.
Родителите тврделе дека Ивана и претходно знаела да замине од дома, но никогаш не се случило да биде отсутна долг период без притоа да се јави.
Тие до крај верувале дека е жива и преку медиумите ја молеле да се врати дома.
Србија пред неполни два месеца беше потресена од сличен случај кога телото на 15-годишната Тијана Јуриќ полицијата го пронајде во поле, 10 километри од Сомбор.
>> Србија: Пронајдено телото на Тијана Јуриќ 10 километри од Сомбор