Светиот синод на вонредна седница по ненадејната смрт на митрополитот на Варна, Кирил, ги утврдува деталите за погребната церемонија.
На денешната седница треба да биде предложен и наследник на митрополитот Кирил, кој ќе управува со епархијата во Варна привремено до изборот на нов митрополит. Наследникот треба да биде избран најдоцна за три месеци според Уставот на Бугарската православна црква.
Се уште не е избран привремен намесник, кој ќе управува со Варненска митрополија. Стана јасно дека денес неможе да биде избран намесник, бидејќи архиереите мораат да почекаат да помине погребот на митрополитот Кирил.
На седницата треба да биде утврден часот на погребот и Опелото за митрополитот. Засега останува предлогот од вчера од епархијата во Варна – во четврток во 9 часот да биде заупокоената литургија, а во 11 опелото, на литургијата ќе служи патријархот Неофит по потоа ќе биде погребот на митрополитот Кирил.
Регионалното обвинителство во Варна вчера објави дека давење е причината за смртта на митрополитот Кирил.
Од таму додаваат дека нема никакви податоци за насилна смрт, а случајот е префрлен на Окружното обвинителство.
Од болницата „Света Марина“ одбија да дадат информации за резултатите од обдукцијата, бидејќи, како што велат, немаат законско право.
Смртта на бугарскиот митрополит Кирил – мистерија
Tелото на митрополитот Кирил вечра беше пронајдено Црното море, во близина на Варна.
>>Владиката Кирил не бил убиен – добил срцев удар
Кирил е роден на 8 Јуни во 1954 година. Митрополитот Ковачев го промени своето име во 1999 година. година, со цел да го прикрие неговиот ангажман во државната безбедност.