Хемискиот арсенал од Сирија нема да се претовара на хрватските пристаништа туку на италијанските, соопшти хрватскиот премиер Зоран Милановиќ.
„Италија прифати хемиските супстанци да се растовараат кај нив. И Хрватска беше подготвена на тоа, но нам ни пристапија релативно касно“, рече Милановиќ, пренесува ХРТ.
Токму Премиерот во јавноста ја изнесе можноста да на некои од хрватските пристаништа би можело да се претовара запленетиот арсенал хемиско оружје од Сирија, кој треба да биде уништен од страна на американската војска во Атлантикот.
Според Милановиќ, ризикот бил мал и затоа токму и Хрватска била дел од консултациите.
ХРТ јави дека два брода, дански и норвешки чекаат одобрение на Кипар, за да преземат дел од сиријскиот хемиски арсенал кој до крајот на месецот мора да ја напушти земјата.
САД прифати да се погрижи за уништувањето на дел од хемиското оружје. Претходно Албанија, под притисок на граѓаните во земјата одби кај нив да се прави претоварот.