Европската комисија (ЕК) ги казни со 16 милиони евра фармацевтските фирми Јансен-Силаг и Сандоз како и нивните фирми-мајки Џонсон и Џонсон и Новартис поради тоа што ја нарушиле слободната конкуренција. Јансен-Силаг го платил својот конкурент Сандоз за да не влезе на пазарот. Фирмата платила суми кои се повисоки од оние кои Сандоз можел да ги заработи со продажба на еден лек.
Згора на тоа се работи лек против болки кој почнал да се продава во 2005 година и кој во принцип не е скап. Со тоа фирмите заработиле многу пари на штета на пациентите кои имаат рак.
Овој скандал се однесува на лекот Фентанил, лек против болови кој е сто пати посилен од морфиумот и се наменет за канцерогени болести. Во 2005 година марката на лекот, направена од Џонсон-Џонскон во Холандија, истекува и Сандоз најавува дека ќе пушти во продажба поефтина варијанта на истата молекула.
Така Јансен-Силаг му понудил пари на Сандоз за да ја спречи продажбата на лекот а Сандоз на ова одговорил позитивно бидејќи “понудените пари биле повисоки од бенефитот што Сандоз можел да го оствари од продажбата на лекот”, вели ЕК.
Овој договор бил таен во текот на 17 месеци, се додека и трет конкурент не се појавил со истата молекула како онаа на Фентанил.
Портпарол на Јансен-Силаг во Тилбург потврди дека плаќањето било наменето за “заедничка промоција на лекот кај фармацевтите и лекарите” но тврди дека фирмата со тоа не ја зголемила цената на лекот за пациентите бидејќи цената на лекот ја покрива социјалното осигурување.