Во моментот кога премиерот на Косово, Хашим Тачи го презентирал извештајот за петтата рунда преговори со српскиот колега Ивица Дачиќ во Брисел се случи скандалозен протест пред говорницата на косовскиот парламент.
Опозициските пратеници од движењето „Самоопределување“ на говорницата поставија транспарент со мапа на Косово, на која Косовска Митровица била означена со црвена боја и пишувало „Косово на Тачи“.
Тогаш Тачи одби да продолжи со излагањето, а седницата на косовскиот Парламент беше прекината.
Во изјава за медиумите пратеникот Висар Имери го објасни ваквиот потег: Без било какви консултации Тачи ја продава и дели нашата земја. Ова го направивме за да го разбудиме народот на Косово, а Тачи преговара без претходно да го праша Парламентот.