Скопје: „Сите за П4лестина“ одржаа марш за геноцидот во Газа и протестираа пред Владата

 Граѓанската иницијатива „Сите за П4лестина“ пред Владата на Македонија одржаа марш за Палестина. Маршот започна во 12 часот напладне од Плоштад Македонија, по што учесниците се упатија кон зградата на Владата, каде пред стотина луѓе одржаа говори и побараа од Владата да ја признаат Палестинската држава.

Геноцидот не е историска лекција, туку е крвава реалност што не засега сите нас. Со своето недејствување. Нато и ЕУ секојдневно го одобруваат геноцидот. По две години и 60 илјади жртви и мртви деца, само неколку членки неодамна ја прекинаа трговијата со оружје со Израел или пак само симболично ја признаа Палестина во Обединетите Нации. Ова само докажува колку профитирањето од војна е поважно од човечките животи, рече еден од говорниците.