Градоначалникот на Минхен Дитер Рајтер го отпуштил главниот диригент на Минхенската филхармонија Валери Гергиев бидејќи познатиот руски виртуоз, не се оградил од воената политика на Путин, јавуваат светските агенции.
Својата одлука Рајтер ја објаснил со тоа дека Гергиев и покрај повикот јавно да се изјасни за војната во Украина, одбил да ја осуди руската агресија, а според германските медиуми, позната е неговата блискост со претседателот на Русија.
Веднаш по Рајтер и миланската опера Ла Скала и Ротердамската филхармонија, ја прекинаа соработката со еден од најголемите светски диригенти, а Гергиев, наводно, бил принуден да поднесе оставка од претседателската функција на познатиот фестивал во Единбург, кој тој го водел со децении.