„Слобода за Кежаровки“, „Кој е следниот?“, „Колку чини слободата?“ со транспаренти в рака новинарите пред освониот суд Скопје 1 денеска протестираа поради апсењети и изрекувањето притвор за новинарот на Нова Македонија, Томислав Кежаровски.
Со свиреши и барања за слобода околу 100-тина новинари од сите медиуми беа собраните пред судот.
Петиција со потписи од сите присутни со барање за образложение за причините за изречената мерка притвор од 30 дена за новинарот, кој беше уапсен поради напишан текст и објавување на идентитет на лажен сведок, ќе бидат поднесени кај судските органи.
Рокот за одговор е три дена.
Македонската ацосијација на новинари бара надлежните институции секогаш да го имаат в предвид сензитивниот карактер на ваквите случаи. Томислав Кежаровски е новинар, а со тоа и јавна личност, секогаш достапна за надлежните институции и од тие причини, МАН ја оценува како несоодветна постапката за неговото приведување.
МАН, смета дека Кежаровски без финална пресуда е третиран како криминалец, иако во случајот станува збор за објавување на новинарска информација добиена од службено лице, кое за разлика од новинарот, го знаело карактерот на информацијата.
Кежаровски беше уапсен пред два дена за објавен текст во 2008 година во Репортер 92, кога ја извршувал функцијата Главен и одговорен уредник.
Пред два дена полицијата на насилен начин и пред семејството го приведе Кежаровски, под сомнение дека оддал информации за сведок, за кој тврди дека бил заштитен, со што го прекршил Законот за заштита на сведоци.
Од друга страна, Главниот и одговорен уредник на Нова Македонија Зоран Димитровски денеска за НОВА изјави дека е скандалозен притворот всушност на Кежаровски, кој открил дека се работи за лажен сведок.