Сегашната појава на вирусот ебола која го погоди регионот на западна Африка, е најголемата и најзаканувачката смртоносна болест до сега. Светската здравствена организација ја декларираше како најзагрижувачка појава низ целиот свет и побара координиран меѓународен одговор. До 10 октомври регистрирани се над 8.399 случаи на заразени лица и 4.033 смртни случаи како последица на еболата.
Што е ебола?
Ебола вирусот е жестока често смртоносна болест. Најчесто се појавува во малите села во централна и западна Африка, близу влажни тропски шуми, но сега се шири и во урбаните места. Сегашната смртност од ебола вирусот се движи помеѓу 45-70 проценти од луѓето кои се заразиле.
Кои се симптомите?
Симптомите се појавуваат 2-21 ден заразеност од вирусот, а кај мнозинството пациенти се развиваат во рок од една недела. Најчесто се појавува неочекувана треска, болки во мускулите, омалаксаност, главоболка и суво грло. Како што се развива вирусот се појавува и повраќање, дијареа, откажување на црниот дроб и бубрезите. Некои од заразените имаат и внатрешно крварење како и откажување на функционирањето на повеќе органи.
Како се пренесува еболата?
Се пренесува преку директен контакт со крв или други телесни течности како што се плунка, урина, секрети, измет, мајчино млеко. Исто така може да се пренесе и преку незаштитен полов однос. Луѓето можат да се заразат и од телесните течности на мртви или живи животни како што се мајмуните или лилјаците. Еболата не се пренесува преку воздух и засега нема доказ дека вирусот можат да го пренесат комарци.
Потребни ли се задолжителни тестирања на меѓународните аеродроми?
Можноста за инфектирање од човек заразен со ебола во Европа е многу мала, но не се исклучува. Веќе се спроведуваат испитувања во погодените земји. Во голема мера невозможно е во Европа бројката на заразени да биде идентична со онаа во Африка бидејќи како што е погоре наведено условите за пренесување на еболата се многу поподобни во Африка. Треба да се земе во предвид дека во Европа стандардите во здравството и превентивната нега се на многу повисоко ниво.
>> (ВИДЕО) Нина Фам – како е да се биде заразен од ебола
>> Обединетите нации: Светот ја губи битката со еболата
>> Прв сомнителен случај на ебола во Чешка и Северен Кипар
>> Британски државјанин под сомнение дека починал од ебола
>> Еболата сериозна закана за Франција
>> Нов лек против еболата откриен во Тајланд?
>> Илјадници сирачиња во Западна Африка како последица од ебола вирусот
>> Светска банка: Еболата може да ги уништи африканските економии