Австријката Елизабет Каламер, работела како слугинка во домот на Хитлер во Баварија. Таа по 71 година проговори каков бил животот во куќата на диктаторот.
Сега има 89 години и вели дека љубовницата Ева Браун ја поздравуваше со „Хајл, моја дамо“. Таа се грижеше за домаќинството, а слугите знаеле дека Хитлер имал проблеми со слезинката и дека морал да се придржува на строга диета.
Но, Хитлер често бил гладен и откако ќе си отиделе гостите во доцните часови одел во кујната за да јаде од „фироровиот колач“ кој се правел специјално за него. Тој сакал да спие и никогаш не станувал порано од два попладне.
Елизабет почнала да работи во Хитлеровата куќа во Бархтесгадена 1943 година, откако видела на оглас: „Се бара слугинка на локација Бархоф на Оберзалцберг“. Тогаш не ни знаела дека ќе работи кај Хитлер. Нејзината мајка ја молела да не оди но сепак тинејџерската лубопитност и говорела дека не смее да ја одбие понудата.
– Куќата беше полна со гости и одеднаш се појави фирерот, тогаш сфатив дека во негова близина не смее да ни да мисли, а не пак да се зборува. На луѓето им беше забрането да зборуваат зад негов грб, но сепак го правеа тоа, вели Елизабет.
Уште на почетокот била предупредена дека не смее ништо да зборува за куќата на Хитлер во спротивно ќе се соочи со последици. Во куќата имало 22 девојки кои биле во близина на Хитлер но никој не смеел да разговара со него, а само постарите долгогодишни слуги можеле да влезат во неговата соба.
Хитлер сакал да пие чај од шоља приозводена во фабриката за порцелан „Нинфенбург“. Во една прилика и се скршила шољата и за тоа била казнета со тоа што немала слободни денови.
Условите за живеење во куќата се разликувале од условите за живеење на обичните граѓани. Додека семејството на Елизабет едвај преживувало од ден на ден, во куќата на Хитлер имало се што ќе посакале за јадење.
Елизабет тврди дека Ева Браун била секогаш добра спрема нејзе. Се однесувала како господарка на куќата иако не биле венчани со Хитлер. Таа ја смислила униформата на слугите, а за Божиќ и подарила волна за да исплете чорапи за војниците.
Хитлер беше опседнат од филмови и имаше сопствено кино во куќата. Слугинките можеле да гледаат нацистички филмови, во кои главна улога играше актерката Марика Рек. „Браун беше фасцинирана од Марика Рек“, тврди Елизабет.
Расположението во Бергхоф се променило во јули 1944 после неуспешниот атентат на Хитлер. Елизабет работела скоро до завршување на војната, кога ја бомбардирале куќата.