Нова ексклузивно дојде до сознание дека во Куманово букнала опасната бактерија легионела. Еден млад доктор во својата ординација открил 20 случаи за само два месеца и веднаш ги алармирал епидемиолозите. Тие пак, потврдија дека имаат регистрирано 43 случаи од почетокот на годината до сега.
За разлика од нив, инфектолозите болеста не ја сфакаат сериозно и најчесто ја третираат како сезонски грип. Тие сметаат дека анализите треба да се земаат со резерва бидејќи клиничката слика на болните не секогаш одговарала на резултите од анализите. Додека тие се препукуваат кој е во право болеста може да земе епидемиски размери.
Оваа бактерија за првапат е откриена во 1976 година кај воените ветерани од Втората светска војна кои престојувале во еден хотел во Филаделфија. 15 проценти од нив починале. Од тогаш во САД имало пет епидемии со легионела.