Бројот на загинати во големото снежно невреме кое повторно го зафати североисточниот дел на САД се искачи на 20 лица. Бурата, која доаѓа по серијата таканаречени поларни вортекси, кое доведоа исклучително ниските температури во САД, овојпат се карактеризира со големи снежни наноси.
Повеќето од загинатите лица се жртви на сообраќајни несреќи, предизвикани од лошата видливост и лизавите патишта. Особено трагичен е случајот на 36-годишна бремена жена која загина во Њујорк откако во неа удри возило за чистање на снег. Возачот не успеал да ја види брачната двојка поради лошото време, и удрил во жена, која не преживеа, додека лекарите се борат за животот на нејзиното дете.
Како и при минатите неколку бури, најтешка е ситуацијата во јужните американски држави, кои не се подготвени за борба со ниските температури и снежни наноси. Овојпат најлошо помина Северна Каролина, каде стотици граѓани морале да ги напштат своите возила на автопатиштата, кои станаа опасни поради снегот.
Снежната бура и ветерот кој почна да дува вчеравечер оставија речиси милион граѓани во САД без струја. Аеродромите во густо населениот источен брег на САД работат со долги прекини од кои 6.500 летови се откажани, а 4 илјади беа одложени.