Протекувачот и поранешен вработен во НСА, Едвард Сноуден, во писмо упатено кон Бразил, вели ќе им помогне во нивната истрага за шпионажата на САД кон владата на Дилма Русеф, но само доколку му биде одобрен азил во Бразил.
Во писмо објавено денеска од страна на весникот „Folha de S. Paulo“, Сноуден пишува дека е импресиониран од страна на бразилската Влада и нивниот критички став за шпионажата од НСА на претседателката Дилма Русеф.
Бразилските сенатори побараа помош за Американецот.
„Ја изразувам мојата желба помогнам соодветно и легално, но за жал, американската Влада цврсто работи да ме ограничи во можностите“, се вели во писмото преведено на португалски јазик, бидејќи не е објавена оригиналната верзија онлајн на ангислки јазик.
„Додека земјата не ми дозволи политички азил, Владата на САД ќе продолжи да се меша“, се вели во писмото.
Писмото на Сноуден е објавено еден ден откако американските судови одлучија дека колекцијата на разговори од Националната агенција за безбедност на милиони Американци го крши Уставот на САД за неразумно пребарување.