Претседателот на САД Барак Обама не бил известен во 2010 година за следењето на телефонот на германскиот канцелар Ангела Меркел, соопшти американската Агенција за национална безбедност (НСА).
Од Сноуден потекнуваат и најновите укажувања за прислушување на мобилниот телефон на германската канцеларка Ангела Меркел. Затоа, многумина германски политичари сега оценуваат дека Сноуден би бил најдобар сведок во аферата „Мобилгејт“.
Како шо објавува Дојче веле, раководителот на пратеничката група на СПД во Бундестагот, Томас Оперман, во „Билд ам Зонтаг“ побара основање истражна комисија за аферата со прислушување. Таа комисија потоа би требало да го сослуша Сноуден. „Наводите на Сноуден се чинат веродостојни, а американската влада очигледно лажеше по ова прашање“, изјави Оперман.
Меѓутоа, проблемот е во тоа што Сноуден од август годинава има азил во Русија, а неговата точна локација не и‘ е позната на јавноста. Доколку дојде во Германија постои опасност да им биде предаден на САД, иако Оперман тоа го смета за неверојатно.
„Не можам да замислам Сојузна Република Германија да испорача лице кое открило тешка шпионажа во земја која е одговорна за тој шпионски акт“, изјави политичарот на СПД за ЗДФ, вториот канал на германската телевизија.
Германскиот неделник „Билд ам зонтанг“ напиша дека пред три години шефот на НСА генерал Кит Александер го известил Обама за следењето.
Но, според портпаролката на агенцијата Вани Вајнс, Александер во 2010 не разгледувал со Обама каква било наводна разузнавачка операција во странство, со која би била засегната Меркел.
– Информациите во медиумите, со кои се тврди спротивното, не се вистина, рече Вајнс.
До инцидентот дојде откако германското списание „Шпигел“ објави дека личниот мобилен телефон на канцеларката се следел од 2002 година, како и оти Обама бил известен за тоа при стапувањето на должноста, но не ја прекинал практиката.