Не ги однесов извештаите на САД во Русија, а ниту Русија, ниту Кина немаа пристап до документите кои им ги дадов на новинарите во Хонгконг, вели Едвард Сноуден.
Тој не ги зачувал копиите од документите и не ги доставил во Русија, „бидејќи тоа не би било во интерес на јавноста“, напоменува Сноуден во интервјуто за „Њујорк Тајмс“.
Американецот, во интервјуто надополнува дека, успеал да ги заштити документите од кинеските агенти за време на неговиот престој во Хонгконг, бидејќи веќе знаел како тие функционираат и ги знаел способностите на кинеските разузнавачки служби.
„Не постојат никакви шанси Русите или Кинезите да ги добиле тие документи“, потенцира Сноуден, кој повтори дека неговите постапки се во интересите на САД.
Иако Вашингтон неколкупати бараше испорака на Сноуден, тој на 1 август доби привремен едно-годишен азил во Русија после речиси еден месец поминат на транзитната зона на аеродромот Шереметјево во Москва, каде што пристигна на 23 јуни од Хонгконг.