Постапките се потикнати од стравот дека огромната владина надзорна машина функционира речиси неконтролирано, објаснува Едвард Сноуден во интервју за Вашингтон пост.
Сноуден вели дека веќе го постигнал она што го замислил. „За мене, во поглед на личната сатисфакција, мојата мисија е исполнета“.
Станува збор за првото интервју лице во лице со новинар откако Сноуден во јуни пристигна во Русија, каде што му е одобрен привремен азил.
„Јас веќе победив“, вели Сноуден и додава дека „штом новинарите можеле да работат, сè што се обидувал да направи е потврдено“.
Сноуден надополнува дека неговата намера не била да го промени општеството, туку да му даде „шанса на општеството да одлучи дали самото треба да се менува“.
Според неговите зборови, тој не се убидувал со своите постапки да ја „урне“ Националната агенција за безбедност на САД, туку да ја подобри.
„Јас и понатаму, еве сега, работам за НСА. Тие се единствените што не го сфаќаат тоа“, потенцира Американецот.
Сноуден живее на непозната адреса во главниот град на Русија.
Во интервјуто себе си се нарекува „затворена мачка“, додавајќи дека многу ретко ја напушта куќата. „Едноставно немам многу потреби“, образложува проекувачот Сноуден.
Тој негира секаква шпекулација за лојалност кон Русија или Кина.