Предлог законот за прекин на бременоста денеска ќе биде главна точка на јавната расправа на собраниската комисија за здравство.
Се очекува лекари, експерти и претставници на невладиниот сектор да дебатираат и да донесат заклучоци, што ќе бидат доставени до предлагачот на законот.
Минатата недела, реномирана европска организација со загриженост реагираше на предлог- законот за абортус на македонската влада:
Лош ветер дува низ Европа за абортусот, вели организацијата “Меѓународен семеен планинг“ (МСП) и реагира на предлот законот на владата на Македонија за абортусот.
“Од 1977 година Македонија има либерално законодавство во оваа област. Но, на 29 мај владата презентираше предлог кој ќе ги компликува сериозно условите на жените да имаат пристап во абортусот: обврска да испратат пишано барање, да минат ни разговор пред-абортус и да му го достават на брачниот партнер итн… Ова исто така беше направено во Русија и Романија“, ја презентира ситуацијата во Македонија која ќе се смени со новиот предлог на владата.
Македонија не е единствената европска земја која прави обиди да им го усложни пристапот до абортус на жените. Во Шпанија конзервативната влада наскоро ќе презентира закон за забрана на абортусот освен во посебни случаи како сериозна опасност за животот на жената, силување или инцест. “Министерот за здравство дури изјавил дека сака да го забрани абортусот со случај на малформација на фетусот и тоа во името на меѓународната конвенција за правата хендикепирани лица!“, вели организацијата.