Во Скопје од понеделник почнува да се гради првиот хотелски објект на Вардар и тоа на еден од сплавовите во центарот на градот, каде веќе се поставени.
Сопственикот на ресторанот „Воденица“ Стојан Филиповски е човекот кому му е дадено градењето на овој хотел: планирани се 16 соби, два апартмана, ќе биде долг 35 метри, широк 16 метри, ќе никне на три ката, ќе има едра високи 35 метри. Сплавот, генерално, ќе биде изграден од дрво, пишува Утрински.
Филиповски е на почетокот на топ-листата на најпрославените угостители во Македонија, екс- сопственик на Париз, за подоцна да стане Рим-Париз, боемската кафеана во ГТЦ, која долги години важеше за клучна градска кафеана и која даваше печат на урбаното Скопје.
Согласно со договорот со Град Скопје, кој на лицитација бараше инвеститори за сплавовите, сопственикот со овој објект ќе стопанисува во наредните десет години. Месечната кирија што ќе му ја плаќа „Воденица“ на Градот е 35.990 денари месечно.
Таа е двојно помала од онаа за првите два слава кои на јавна лицитација ги доби фирмата „Фаланга“.
За галијата спроти Стариот театар „Фаланга“ ќе плаќа месечна кирија од 76.700 денари, а за вториот кај хотелот „Холидеј ин“ киријата е 64.900 денари.
Урбанистичкиот план предвидува во реката Вардар да има шест сплава.
Во Вардар од вчера почна да се „закотвува“ втората галија на „Фаланга“а деловите за вториот сплав веќе се пристигнати на десниот кеј кај хотелот „Холидеј ин“ и веќе се работи на негова монтажа. Едниот сплав ќе биде француски ресторан, а другиот бар за закуски на вода.